X

Борису и Глебу, благоверным князьям : молитвы

Рубрики категории : Борису и Глебу, благоверным князьям
Молитва мученикам Борису и Глебу
О, двоице священная, братия прекрасная, доблии страстотерпцы Борисе и Глебе, от юности Христу верою, чистотою и любовию послуживший, и кровьми своими, яко багряницею, украсившиися, и ныне со Христом царствующий!


Не забудите и нас, сущих на земли, но яко теплии заступницы, вашим сильным ходатайством пред Христом Богом сохраните юных во святей вере и чистоте неврежденными от всякаго прилога неверия и нечистоты, оградите всех нас от всякия скорби, озлоблений и напрасныя смерти, укротите всякую вражду и злобу, действом диавола воздвизаемую от ближних и чуждих.


Молим вас, христолюбивии страстотерпцы, испросите у Великодаровитаго Владыки всем нам оставление прегрешений наших, единомыслие и здравие, избавление от нашествия иноплеменных, междоусобныя брани, язвы и глада. Снабдевайте своим заступлением (град сей и) всех, чтущих святую память вашу, во веки веков. Аминь.
Молитва мученикам Борису и Глебу
О священная пара, братья прекрасные, доблестные страстотерпцы Борис и Глеб!
С юных лет верою, чистотою и любовью Христу послужившие, и кровью вашей как багряницей украшенные, и нынче со Христом царствующие!

Не забывайте и нас, пребывающих на земле и вы, как горячие помощники, вашим мощным ходатайством перед Христом Богом нас помилуйте!
Ибо вы, юные по святой вере и чистоте, неподверженые приступам неверия и нечистоте, сохраните и всех нас молящихся от всякой скорби, бед и внезапной смерти избавьте, укротите всякую вражду и злобу от ближних и чужих, воздвигаемую действием диавола.

Молим вас, христолюбивые страстотерпцы, содействуйте правителям нашим в победе над врагами, испросите у Великощедрого Владыки всем нам прощение грехов наших, единомыслие и здоровье, избавление от нашествия иноземцев, междоусобной вражды, мора и голода.
Возьмите под свое покровительство город (село) этот (это) и всех чтущих святую память вашу во веки веков. Аминь.

Святии страстотерпцы, боголюбивая двоице, благовернии князи Борисе и Глебе, измлада всею душею Христа возлюбившии, целомудрие, кротость, смирение и прочия добродетели стяжали есте и, яко Агнцы незлобивии, от брата своего неправедное убиение претерпели есте, чистыя своя души в благоприятную жертву Богу принесосте и от Него венцы нетленныя приясте, припадающе к честному образу вашему, молим вас в дусе сокрушенне и смиренне: вознесите своя усердныя молитвы ко Всемилостивому Спасу нашему, да подаст нам, чтущим святую память вашу, великия Своя и богатыя милости. Церковь Свою Святую да соблюдет от ересей и расколов, в чадех ея да оживет дух правыя веры и любве, дух ведения и благочестия, да дарует всем нам вся, яже к жизни временней и вечней потребная. Ей, святии страстотерпцы, ускорите на помощь к нам, якоже сроднику вашему благоверному князю Александру Невскому и избавите страну нашу от враг видимых и невидимых, от глада, огня, смертоносныя язвы, от всяких бед и напастей; разгоните облежащий ны мрак неверия и развращения, да мирно и благочестно поживем в веце сем и сподобимся христианския кончины и добраго ответа на Страшнем Суде Христа Бога, Емуже подобает честь и поклонение со Безначальным Его Отцем и Пресвятым Животворящим Его Духом, ныне и присно и во веки веков. Аминь.

Святии страстотерпцы, боголюбивая двоице, благовернии князи Борисе и Глебе, измлада ?всею душею Христа возлюбившии, целомудрие, кротость, смирение и прочия добродетели стяжали ?есте и, яко Агнцы незлобивии, от брата своего неправедное убиение претерпели есте, чистыя своя души в благоприятную жертву Богу принесосте и от Него венцы нетленныя приясте, ?припадающе к честному образу вашему, молим вас в дусе сокрушенне и смиренне: вознесите своя усердныя молитвы ко Всемилостивому Спасу нашему, да подаст нам, чтущим святую память вашу, великия Своя и богатыя милости. Церковь Свою Святую да соблюдет от ересей и расколов, в чадех ея да оживет дух правыя веры и любве, дух ведения и благочестия, да дарует всем нам вся, яже к жизни временней и вечней потребная. Ей, святии страстотерпцы, ускорите на помощь к нам, якоже сроднику вашему благоверному князю Александру Невскому и избавите страну нашу от враг видимых и невидимых, от глада, огня, смертоносныя язвы, от всяких бед и напастей; разгоните облежащий ны мрак неверия и развращения, да мирно и благочестно поживем в веце сем и сподобимся христианския кончины и добраго ответа на Страшнем Суде Христа Бога, Емуже подобает честь и поклонение со Безначальным Его Отцем и Пресвятым Животворящим Его Духом, ныне и присно и во веки веков. Аминь.

толкование

Тропарь страстотерпцам князьям Борису и Глебу, глас 2


Правдивая страстотерпца, и истинная Евангелия Христова послушателя, целомудренный Романе с незлобивым Давидом, не сопротив стаста врагу сущу брату, убивающему телеса ваша, душам же коснутся не могущу. Да плачется убо злый властолюбец, вы же радующеся с лики ангельскими, предстояще Святей Троице, молитеся о державе сродников ваших, богоугодней быти, и сыновом Российским спастися.


Тропарь второй страстотерпцам князьям Борису и Глебу, глас 4


Яко плодовита винограда, отрасли добродетелей суще, Небесный дождь Христов приясте, источающе отечеству своему струю Православия, Борисе пречудне с доблим Глебом, вкупе молитеся Господеви сохранити град и люди, и на враги пособствовати, и душам нашим даровати велию милость.


Тропарь третий страстотерпцам князьям Борису и Глебу, глас 4


Мученическою кровию порфиру окропивше светло, украшени предстоите, страдальцы славнии, Царю Безсмертному, и, венцы славы от Него приимше, молитеся стране нашей подати на враги одоление и душам нашим велию милость.


Кондак страстотерпцам князьям Борису и Глебу, глас 3


Возсия днесь преславная память ваша, благороднии страстотерпцы Христовы, Романе и Давиде, созывающи нас к похвалению Христа Бога нашего. Тем, притекающе к раце мощей ваших, исцеления дар приемлем молитвами вашими, святии: вы бо Божественнии врачеве есте.


Кондак второй страстотерпцам князьям Борису и Глебу, глас 8


Аще и убиени бысте и во гробех положени, но на Вышнее Царство преидосте, оваго бо копии насунуша, другаго же, яко агнца незлобива, ножем зарезаша, тем и кровь ваша бысть исцеление миру, верою призывающим вас, святии, на помощь.

Тропарь страстотерпцам князьям Борису и Глебу, глас 2


Правдивая страстотерпца, и истинная Евангелия Христова послушателя, целомудренный Романе с незлобивым Давидом, не сопротив стаста врагу сущу брату, убивающему телеса ваша, душам же коснутся не могущу. Да плачется убо злый властолюбец, вы же радующеся с лики ангельскими, предстояще Святей Троице, молитеся о державе сродников ваших, богоугодней быти, и сыновом Российским спастися.


Тропарь второй страстотерпцам князьям Борису и Глебу, глас 4


Яко плодовита винограда, отрасли добродетелей суще, Небесный дождь Христов приясте, источающе отечеству своему струю Православия, Борисе пречудне с доблим Глебом, вкупе молитеся Господеви сохранити град и люди, и на враги пособствовати, и душам нашим даровати велию милость.


Тропарь третий страстотерпцам князьям Борису и Глебу, глас 4


Мученическою кровию порфиру окропивше светло, украшени предстоите, страдальцы славнии, Царю Безсмертному, и, венцы славы от Него приимше, молитеся стране нашей подати на враги одоление и душам нашим велию милость.


Кондак страстотерпцам князьям Борису и Глебу, глас 3


Возсия днесь преславная память ваша, благороднии страстотерпцы Христовы, Романе и Давиде, созывающи нас к похвалению Христа Бога нашего. Тем, притекающе к раце мощей ваших, исцеления дар приемлем молитвами вашими, святии: вы бо Божественнии врачеве есте.


Кондак второй страстотерпцам князьям Борису и Глебу, глас 8


Аще и убиени бысте и во гробех положени, но на Вышнее Царство преидосте, оваго бо копии насунуша, другаго же, яко агнца незлобива, ножем зарезаша, тем и кровь ваша бысть исцеление миру, верою призывающим вас, святии, на помощь.