Тихону Московскому : молитвы

О пастырю наш добрый, святый великий патриарше Тихоне, яко град горний, ты явился еси, добрая дела твоя и доныне светятся пред человеки.

Вемы, яко ты, предстоя Престолу Пресвятыя Троицы, велие имаши дерзновение в молитвах пред Господем.

Воззри и ныне на нас грешных и недостойных чад твоих, к тебе бо, яко имущему велие дерзновение пред Творцем всяческих, ныне припадаем и усердно молимся:

умоли Господа, да подаст нам решимость стяжати благочестие отцев наших, егоже ты стяжал еси от юности твоея.

Ты в житии своем ревностный защититель и хранитель истинныя веры был еси, помози и нам незыблему соблюсти веру православную.


Тихая бо душа твоя зело преуспела в божественном смиренномудрии, научи и нас разум наш питати не многомятежною мудростию человеческою, но смиренным познанием воли Божией.

Ты пред лицем лютых врагов Христовых Истиннаго Бога дерзновенно исповедал еси, молитвою своею укрепи нас, малодушных, да и мы всегда и всюду противостанем духу безбожия и льсти.

Ей, угодниче Божий, не презри нас, молящихся тебе, ибо не токмо от бед и скорбей избавление просим, но силы и твердости, великодушия и любве просим, дабы переносити оныя напасти, возстающия на ны.


Испроси нам неослабное терпение даже до конца жития нашего, мир с Господом и грехов отпущение.

Отче святый! Укроти в стране нашей ветры неверия и смуты, да водворит Господь на земли Российстей тишину и благочестие и любовь нелицемерную.

Молитвами твоими да сохранит ю от междоусобныя брани, да укрепит святую Церковь нашу Православную, да не оскудеет она истинными пастырями, добрыми делательми, право правящими слово евангельския истины.

Упаси и заблуждшия овцы стада Христова.

Наипаче же моли Господа сил, да возродится Русская земля святым покаянием и единым сердцем и едиными усты прославит дивнаго во святых Своих Бога, в Троице славимаго Отца и Сына и Святаго Духа во веки веков. Аминь.

О пастырь наш добрый, святой великий Патриарх Тихон, как посланник небес явился ты – добрые дела твои и доныне сияют перед людьми.

Знаем, что ты, предстоя перед престолом Пресвятой Троицы, имеешь великое дерзновение в молитвах перед Господом.

Воззри и ныне на нас, грешных и недостойных чад твоих, к тебе, как имеющему великое дерзновение перед Творцом, ныне припадаем и усердно молимся:

умоли Господа, да подаст нам решимость стяжать благочестие отцов наших, которое ты стяжал с юности.

Ты в жизни своей был ревностным защитником и хранителем истинной веры, помоги и нам незыблемо соблюсти веру Православную.

Тихая душа твоя много преуспела в божественном смиренномудрии, научи и нас разум наш питать не многосуетной мудростью человеческой, но смиренным познанием воли Божией.

Ты перед лицом лютых врагов Христовых Истинного Бога дерзновенно исповедал, молитвою своею укрепи нас, малодушных, чтобы мы всегда и всюду противостояли духу безбожия и лести.

О, угодник Божий, не отвергни нас, молящихся тебе (имена), ибо не только от бед и скорбей избавления просим, но и силы и твердости, и великодушия и любви, чтобы перенести любые беды, случающиеся с нами.

Испроси нам неослабевающее терпение даже до конца жизни нашей, мир с Господом и отпущение грехов.

Отец святой! Укроти в стране нашей ветры неверия и смуты, да водворит Господь на земле Российской тишину и благочестие и любовь нелицемерную.

Молитвами твоими да сохранит ее от междоусобных раздоров и укрепит Святую Церковь нашу Православную, да не оскудеет она истинными пастырями, добрыми делателями, право правящими слово Евангельской истины.

Упаси и заблуждших овец стада Христова.

Наиболее же моли Господа, да возродится Русская Земля святым покаянием, и единым сердцем и едиными устами прославит Дивного во святых Своих Бога в Троице славимого, Отца и Сына и Святого Духа во веки веков. Аминь.

Тропарь святителю Тихону, патриарху Московскому и всея Руси, глас 1

Апостольских преданий ревнителя и Христовы Церкве пастыря добраго, душу свою за овцы положившаго, жребием Божиим избраннаго Всероссийскаго Патриарха Тихона восхвалим и к нему с верою и упованием возопиим: предстительством святительским ко Господу Церковь Русскую в тишине соблюди, расточенная чада ея во едино стадо собери, отступившия от правыя веры к покаянию обрати, страну нашу от междоусобныя брани сохрани и мир Божий людем испроси.

Кондак святителю Тихону, патриарху Московскому и всея Руси, глас 2

Тихостию нрава украшен, кротость и милосердие кающимся являяй, во исповедании Православныя веры и любве ко Господу тверд и непреклонен пребыл еси, святителю Христов Тихоне. Молися о нас, да не разлучимся от любве Божия, яже о Христе Иисусе, Господе нашем.

Тропарь святителю Тихону, патриарху Московскому и всея Руси, глас 1

Апостольских преданий ревнителя и Христовы Церкве пастыря добраго, душу свою за овцы положившаго, жребием Божиим избраннаго Всероссийскаго Патриарха Тихона восхвалим и к нему с верою и упованием возопиим: предстительством святительским ко Господу Церковь Русскую в тишине соблюди, расточенная чада ея во едино стадо собери, отступившия от правыя веры к покаянию обрати, страну нашу от междоусобныя брани сохрани и мир Божий людем испроси.

Кондак святителю Тихону, патриарху Московскому и всея Руси, глас 2

Тихостию нрава украшен, кротость и милосердие кающимся являяй, во исповедании Православныя веры и любве ко Господу тверд и непреклонен пребыл еси, святителю Христов Тихоне. Молися о нас, да не разлучимся от любве Божия, яже о Христе Иисусе, Господе нашем.

толкование